hichkiyaan raat dard tanhaai — Nasir Jaunpuri

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

vo agar aa na sake maut hi aai hoti
hijr mein koi to gham-khvaar hamaaraa hotaa

gham azizon kaa hasinon ki judaai dekhi
dekhein dikhlaae abhi gardish-e-dauraan kyaa kyaa