vo jo ik tolaa kai maasha thi yaari tum se — Nayan Sukh

aur sab 'maani' ne teri to banaai tasvir
par durust ho na saki chehre ki parvaaz hanuz

aaine se mujh dal ke tahayyur ko milaa dekh
ye donon baraabar hain koi besh na kam hai

idhar se sete jaao aur udhar se phahTtaa jaae
aise tarah ke kapDe ko phir siije bhi nahin

jitnaa ki hai ifraat tiri kam-nigahi kaa
utnaa hi idhar dekho to ye dida-e-nam hai

is maajraa ko jaa ke kahun kis ke ru-ba-ru
meri to dauD haigi tire aastaan tilak

ye saaraa qaziya to ham se hai is se tum ko kyaa
tum apne ek taraf ho raho huaa so havaa

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

faaeda kyaa soch aakhir tu bhi daanaa hai 'asad'
dosti naadaan ki hai ji kaa ziyaan ho jaaegaa

baDhtaa jaataa hai tul-e-gesu-e-yaar
ghaTti jaati hai zindagi dil ki

agar tumhaari anaa hi kaa hai savaal to phir
chalo main haath baDhaataa huun dosti ke liye

juz tire koi bhi din raat na jaane mere
tu kahaan hai magar ai dost puraane mere