baDhtaa jaataa hai tul-e-gesu-e-yaar — Mahshar Lakhnavi

mast hain nashsha-e-javaani se
kyaa khabar aap ko kisi dil ki

balaaein le rahaa huun is zamin ke zarre zarre ki
luTaa thaa jis jagah raah-e-vafaa mein kaarvaan meraa

shikva-e-hijr-e-yaar kaun kare
husn ko sharmsaar kaun kare

de ke saaghar mujhe kis lutf se saaqi ne kahaa
dekhte jaao abhi ham tumhein kyaa dete hain

saadgi ki intihaa kar di javaanaan chaman
umr bhar rang mizaaj baaghbaan dekhaa kiye

vufur-e-shauq mein ik ik qadam meraa qayaamat thaa
khudaa maalum kyun-kar jalva-zaar-e-husn tak pahunchaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi ke bahut qarib na jaa
faasla kuchh to apne dhyaan mein rakh

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai