is maajraa ko jaa ke kahun kis ke ru-ba-ru — Nayan Sukh

aur sab 'maani' ne teri to banaai tasvir
par durust ho na saki chehre ki parvaaz hanuz

aaine se mujh dal ke tahayyur ko milaa dekh
ye donon baraabar hain koi besh na kam hai

idhar se sete jaao aur udhar se phahTtaa jaae
aise tarah ke kapDe ko phir siije bhi nahin

jitnaa ki hai ifraat tiri kam-nigahi kaa
utnaa hi idhar dekho to ye dida-e-nam hai

vo jo ik tolaa kai maasha thi yaari tum se
ratti bhar bhi na rahaa is mein kuchh aasaar kahin

ye saaraa qaziya to ham se hai is se tum ko kyaa
tum apne ek taraf ho raho huaa so havaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

ret par ik nishaan hai shaayad
ye hamaaraa makaan hai shaayad