tujh mein gar baarish samundar ke baraabar hai to kyaa — Nazeer Azad

zarra zarra karbalaa manzar-ba-manzar tishnagi
apne hisse mein to aai hai saraasar tishnagi

aabaad hai is dil kaa jahaan jis ke qadam se
vo mujh ko pukaare hai kisi aur jahaan se

kyaa milaa juz sukut-e-be-paayaan
shor siine mein kaarvaan bhar thaa

tiraa khayaal mire dil mein kaise ghar kartaa
tiraa khayaal miri vahshaton se aage hai

daastaan-go thaa kisi baab se niklaa hogaa
vo jo kahtaa thaa ki divaar mein dar miltaa hai

aankh bhar ishq aur badan bhar chaah
shukr lab bhar gila zabaan bhar thaa

pyaaso raho na dasht mein baarish ke muntazir
maaro zamin pe paanv ki paani nikal paDe

pyaasi bahut thiin hasratein lo aaj mar gaiin
baarish kaa intizaar thaa vo bhi nahin rahaa

laD gai un se nazar khinch gae abru un ke
maarke ishq ke ab tir-o-kamaan tak pahunche

bijli chamki to abr royaa
yaad aa gai kyaa hansi kisi ki

baarish ke baa'd raat saDak aaina si thi
ik paanv paaniyon pe paDaa chaand hil gayaa

main bazm mein teri huun na hone ke baraabar
is par bhi tire khaatir-e-naazuk pe giraan huun