kyaa milaa juz sukut-e-be-paayaan — Nazeer Azad

zarra zarra karbalaa manzar-ba-manzar tishnagi
apne hisse mein to aai hai saraasar tishnagi

aabaad hai is dil kaa jahaan jis ke qadam se
vo mujh ko pukaare hai kisi aur jahaan se

tiraa khayaal mire dil mein kaise ghar kartaa
tiraa khayaal miri vahshaton se aage hai

daastaan-go thaa kisi baab se niklaa hogaa
vo jo kahtaa thaa ki divaar mein dar miltaa hai

tujh mein gar baarish samundar ke baraabar hai to kyaa
mere andar bhi hai sahraa ke baraabar tishnagi

aankh bhar ishq aur badan bhar chaah
shukr lab bhar gila zabaan bhar thaa

main baDaa ho gayaa huun magar bachpanaa
mere dil se kabhi bhi gayaa hi nahin

sukut-e-‘asr mein gunji hui azaan huun main
bahut se kursi-nashinon ke darmiyaan huun main

jaise viraan haveli mein hon khaamosh charaagh
ab guzarti hain tire shahr mein shaamein aisi

kyaa tumhein ahd-e-mohabbat ke vo lamhe yaad hain
jab nigaahein bolti thiin aur ham khaamosh the

itaab-o-qahr kaa har ik nishaan bolegaa
main chup rahaa to shikasta makaan bolegaa

ek muddat main khamoshi se rahaa mahv-e-kalaam
tab kahin jaa ke ye lafzon mein maaani aae