apni sanjida tabiat pe to akasr 'naazim' — Nazim Sultanpuri

iqtizaa vaqt kaa jo chaahe karaa le varna
ham na the ghair ke ehsaan uThaane vaale

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

kitni viraan hai gali dil ki
duur tak koi naqsh-e-paa bhi nahin

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

dekhaa to zindagi mein bahut kaamyaab the
sochaa to jiit aai nazar maat ki tarah

tanhaai ko ghar se rukhsat kar to do
socho kis ke ghar jaaegi tanhaai

ab to aaraam karein sochti aankhein meri
raat kaa aakhiri taaraa bhi hai jaane vaalaa

chhiDaa jab un ke ghar jhagDaa to un ki aql chakraai
jo suljhaate rahe the umr-bhar baazaar kaa jhagDaa