tanhaai ko ghar se rukhsat kar to do — Zafar Gorakhpuri

apne atvaar mein kitnaa baDaa shaatir hogaa
zindagi tujh se kabhi jis ne shikaayat nahin ki

kitni aasaani se mashhur kiyaa hai khud ko
main ne apne se baDe shakhs ko gaali de kar

chhat Tapakti thi agarche phir bhi aa jaati thi niind
main nae ghar mein bahut royaa puraane ke liye

abhi zinda hain ham par khatm kar le imtihaan saare
hamaare baad koi imtihaan koi nahin degaa

meri ik chhoTi si koshish tujh ko paane ke liye
ban gai hai masala saare zamaane ke liye

dekhein qarib se bhi to achchhaa dikhaai de
ik aadmi to shahr mein aisaa dikhaai de

ye aansu ponchh lijiye aur muskuraaiye
chaara nahin hai koi bhi rukhsat kiye baghair

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

husn jalva dikhaa gayaa apnaa
ishq baiThaa rahaa udaas kahin

main ne apni palkon par gham-kade sajaae hain
aarzu ke maatam mein sogvaar hasti hai