kitni viraan hai gali dil ki — Nazim Sultanpuri

iqtizaa vaqt kaa jo chaahe karaa le varna
ham na the ghair ke ehsaan uThaane vaale

apni sanjida tabiat pe to akasr 'naazim'
fikr ke shokh ujaale bhi giraan hote hain

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

khvaahish sukun ki hai na ab iztiraab ki
allaah re zidein dil-e-khaana-kharaab ki

shahr ki bhiiD mein aankhein jise kho deti hain
dil ke aangan mein vahi shakhs khaDaa hotaa hai

ustaad kah rahe the chhuraa dil pe chal gayaa
dum par hamaari paanv vo rakh kar nikal gayaa

khilte hain dil mein phuul tiri yaad ke tufail
aatish-kada to der hui sard ho gayaa