Dareinge log vafaa ke khayaal se 'nazmi' — Nazmi Sikandrabadi

nasib hongi use kaamyaabiyaan 'nazmi'
khushi ke saath jo har imtihaan se guzregaa

umr bhar us ne bevafaai ki
umr se bhi vo baa-vafaa na rahaa

hai lutf taghaaful mein yaa ji ke jalaane mein
vaada to kiyaa hotaa go vo na vafaa hotaa

kyaa vafaa o jafaa ki baat karein
darmiyaan ab to kuchh rahaa bhi nahin

zindagi tu ne to sach hai ki vafaa ham se na ki
ham magar khud tujhe Thukraaein zaruri to nahin

tu bevafaa hai tiraa e'tibaar kaun kare
tamaam umr tiraa intizaar kaun kare

DhunD ujDe hue logon mein vafaa ke moti
ye khazaane tujhe mumkin hai kharaabon mein milein