nayaa chaar din mein puraanaa huaa — Obaid Haris

apnaa sach us ko sunaane ke liye
ham ko qisson kaa havaala chaahiye

tah-ba-tah khulti hi rahti hai sadaa
'mir' ke divaan si hai zindagi

vaqt badlaa soch badli baat badli
ham se bachche kah rahe hain ham nae hain

khaali divaar buri lagti hai
meri tasvir hi rahne dete

ham kitaabon mein jise paate hain 'haaris'
aadmi vaisaa koi miltaa kahaan hai

sadaaein Dubti hain jab
khamoshi muskuraati hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

saaat-e-isviyaan hai ki miraa dil jis mein
khud-ba-khud choT lagi khud-ba-khud aavaaz hui

Thaharnaa dil mein kuchh behtar na jaanaa
bhare ghar ko unhon ne ghar na jaanaa

jafaa ki baatein sadaa banaanaa vafaa ki baatein kabhi na karnaa
khudaa ke ghar mein kami nahin hai kiye mein apne kami na karnaa