laDkiyon ke dukh ajab hote hain sukh us se ajiib — Parveen Shakir

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main sach kahungi magar phir bhi haar jaaungi
vo jhuuT bolegaa aur laa-javaab kar degaa

vo kahin bhi gayaa lauTaa to mire paas aayaa
bas yahi baat hai achchhi mire harjaai ki

tujhe manaaun ki apni anaa ki baat sunun
ulajh rahaa hai mire faislon kaa resham phir

tu badaltaa hai to be-saakhta meri aankhein
apne haathon ki lakiron se ulajh jaati hain

ab to is raah se vo shakhs guzartaa bhi nahin
ab kis ummid pe darvaaze se jhaanke koi

jo log maut ko zaalim qaraar dete hain
khudaa milaae unhein zindagi ke maaron se

hazaar rang mein mumkin hai dard kaa izhaar
tire firaaq mein marnaa hi kyaa zaruri hai

jo zinda ho use to maar dete hain jahaan vaale
jo marnaa chaahtaa ho us ko zinda chhoD dete hain

sabhi zindagi pe farefta koi maut par nahin shefta
sabhi sud-khor to ho gae hain koi paThaan nahin rahaa

aankhon ke sab moti daane aaine hain baatin ke
ghar kaa bhedi lanka Dhaae main bhi sochun tu bhi soch

moti piro ke zulf mein akhtar banaa diye
tu ne andheri raat mein taare dikhaa diye