tu badaltaa hai to be-saakhta meri aankhein — Parveen Shakir

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main sach kahungi magar phir bhi haar jaaungi
vo jhuuT bolegaa aur laa-javaab kar degaa

vo kahin bhi gayaa lauTaa to mire paas aayaa
bas yahi baat hai achchhi mire harjaai ki

laDkiyon ke dukh ajab hote hain sukh us se ajiib
hans rahi hain aur kaajal bhigtaa hai saath saath

tujhe manaaun ki apni anaa ki baat sunun
ulajh rahaa hai mire faislon kaa resham phir

ab to is raah se vo shakhs guzartaa bhi nahin
ab kis ummid pe darvaaze se jhaanke koi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kaf-e-afsos malne se bhalaa ab faaeda kyaa hai
dil-e-raahat-talab kyuun ham na kahte the ye duniyaa hai

go havaa-e-gulsitaan ne mire dil ki laaj rakh li
vo naqaab khud uThaate to kuchh aur baat hoti

dil lene ke andaaz bhi kuchh siikh gayaa huun
sohbat mein hasinon ki bahut roz rahaa huun

ek dhundlaa saa tasavvur hai ki dil bhi thaa yahaan
ab to siine mein faqat ik Tiis si paataa huun main