tamaam umr rahe meraa muntazir tu bhi — Qaisar Nizami

tire baghair tere intizaar se thak kar
shab-e-firaaq ke maaron ko niind aai hai

khizaan ki zad mein hi ab tak tiraa gulistaan thaa
hamin ne aa ke bahaaron ko zindagi bakhshi

tu saraapaa nuur hai main teraa aks-e-khaas huun
kah rahe hain yuun tiraa sab aaina-khaana mujhe

ab to rusvaaiyaan yaqini hain
un ke lab par miraa fasaana hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

dekhaa to zindagi mein bahut kaamyaab the
sochaa to jiit aai nazar maat ki tarah

kisi ke raaste ki khaak mein paDe hain 'zafar'
mataa-e-umr yahi aajizi nikalti hai

jald manzil tak pahunchne kaa junun us ko rahaa
zindagi bhar is liye rasta badaltaa rah gayaa