kisi ke raaste ki khaak mein paDe hain 'zafar' — Zafar Ajmi

kaasa-e-dard liye kab se khaDe sochte hain
dast-e-imkaan se kyaa chiiz na jaane nikle

ye alag baat ki vo dil se kisi aur kaa thaa
baat to us ne hamaari bhi ba-zaahir rakkhi

bajaa hai zindagi se ham bahut rahe naaraaz
magar bataao khafaa tum se bhi kabhu hue hain

naa-khudaa chhoD gae biich bhanvar mein to 'zafar'
ek tinke ke sahaare ne kahaa bismillaah

sab baDe zoam se aae the nae surat-gar
sab ke daaman se vahi khvaab puraane nikle

ye ahd kyaa hai ki sab par giraan guzartaa hai
ye kyaa tilism hai kyaa imtihaan guzartaa hai

kam-umri mein sunet hain
mar jaate hain achchhe log

umr hi teri guzar jaaegi un ke hal mein
teraa bachcha jo savaalaat liye baiThaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

zindagi tu bhi hamein vaise hi ik roz guzaar
jis tarah ham tujhe barson se guzaare hue hain