dil se bas haath uThaa tu ab ai ishq — Qayem Chaandpuri

mai pi jo chaahe aatish-e-dozakh se tu najaat
jaltaa nahin vo uzv jo tar ho sharaab mein

kahtaa hai aaina ki hai tujh saa hi ek aur
baavar nahin to laa main tire ru-ba-ru karun

gandumi rang jo hai duniyaa mein
meri chhaati pe muung daltaa hai

iraad kar na paDh ke miraa khat ki ye tamaam
be-rabtiyaan hain samra-e-hangaam-e-ishtiyaaq

koi din aage bhi zaahid ajab zamaana thaa
har ik mohalle ki masjid sharaab-khaana thaa

TuuTaa jo kaaba kaun si ye jaa-e-gham hai shaikh
kuchh qasr-e-dil nahin ki banaayaa na jaaegaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

binaa dekhe kisi se ishq kar ke sochtaa huun main
nahin dekhaa hai kuchh to ishq aakhir dekhtaa kyaa hai

jaane kitne hi shanaavar ishq ke dariyaa mein Duube
kaise bachtaa main bhi us dariyaa se jo pyaasaa bahut hai

miri aankhon mein aa jaanaa to ik maa'mul hai lekin
mohabbat zor karti hai to vo saanson mein aataa hai