is safar mein niind aisi kho gai — Rahi Masoom Raza

dil ki kheti suukh rahi hai kaisi ye barsaat hui
khvaabon ke baadal aate hain lekin aag barasti hai

haan unhin logon se duniyaa mein shikaayat hai hamein
haan vahi log jo akasr hamein yaad aae hain

ye charaagh jaise lamhe kahin raaegaan na jaaein
koi khvaab dekh Daalo koi inqilaab laao

zindagi DhunDh le tu bhi kisi divaane ko
us ke gesu to mire pyaar ne suljhaae hain

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

tilism TuuT gayaa shab kaa main bhi ghar ko chalun
rukaa thaa jis ke liye vo bhi ghar gayaa kab kaa