ye charaagh jaise lamhe kahin raaegaan na jaaein — Rahi Masoom Raza

dil ki kheti suukh rahi hai kaisi ye barsaat hui
khvaabon ke baadal aate hain lekin aag barasti hai

is safar mein niind aisi kho gai
ham na soe raat thak kar so gai

haan unhin logon se duniyaa mein shikaayat hai hamein
haan vahi log jo akasr hamein yaad aae hain

zindagi DhunDh le tu bhi kisi divaane ko
us ke gesu to mire pyaar ne suljhaae hain

mere khvaabon ke jharokon ko sajaate rahiye
na sahi vasl magar yaad to aate rahiye

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa