un ke liye uThaain tabassum ki zahmatein — Raqim Lakhnavi

sarf-e-sujud kar ke jabin-e-nazar ko main
mearaaj de rahaa huun tire sang-e-dar ko main

dam bhar agar nasib ho fursat to ponchh lo
peshaaniyon pe gard-e-safar hai musaafiro

kabhi un ko milti nahin koi manzil
badalte hain jo har qadam par iraade

ai chashm-e-iltifaat ke maare hue sambhal
ye husn-e-ittifaaq hai husn-e-nazar nahin

gham hai na ab khushi hai na ummid hai na yaas
sab se najaat paae zamaane guzar gae

ye zindagi hai apni kabhi khush kabhi udaas
is kashmakash se mujh ko khudaayaa rihaai de

nahin nahin main bahut khush rahaa huun tere baghair
yaqin kar ki ye haalat abhi abhi hui hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

kaun si aisi kami mere khad-o-khaal mein hai
aaina khush nahin hotaa kabhi mil kar mujh se

aaina to 'aibon ki khabar detaa hai 'aasif'
khush-fahmi-e-insaan kaa magar koi kare kyaa