kabhi jo khidmat-e-qaumi kaa paar letaa huun — Raza Naqvi Vahi

aap ko jitne qavaafi mil sake farhang mein
un ko Thunsaa laa ke ghazlon ki qabaa-e-tang mein

hai ek baat jo mauzu-e-guftugu banti
mile jo aap to kam-bakht yaad hi na rahi

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

qaatil tiri gali bhi badaun se kam nahin
jis ke qadam qadam pe mazaar-e-shahid hai

royaa thaa kaun kaun mujhe kuchh khabar nahin
main us ghaDi vatan se kai miil duur thaa

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

firaaq-e-khuld se gandum hai sina-chaak ab tak
ilaahi ho na vatan se koi gharib judaa

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai