inqilaabaat-e-dahr ki buniyaad — Sahir Ludhianvi

le de ke apne paas faqat ik nazar to hai
kyuun dekhein zindagi ko kisi ki nazar se ham

ham jurm-e-mohabbat ki sazaa paaeinge tanhaa
jo tujh se hui ho vo khataa saath liye jaa

ham amn chaahte hain magar zulm ke khilaaf
gar jang laazmi hai to phir jang hi sahi

hazaar barq gire laakh aandhiyaan uTThein
vo phuul khil ke raheinge jo khilne vaale hain

kaun rotaa hai kisi aur ki khaatir ai dost
sab ko apni hi kisi baat pe ronaa aayaa

milti hai zindagi mein mohabbat kabhi kabhi
hoti hai dilbaron ki inaayat kabhi kabhi

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ajnabi mujh se aa gale mil le
aaj ik dost yaad aae mujhe

bahut hi kam ko mili hain mohabbatein 'jaanif'
ziyaada-tar ko to mahbub ne du'aa di hai

abhi sahifa-e-jaan par raqam bhi kyaa hogaa
abhi to yaad bhi be-saakhta nahin aai

is vaaste furqat mein jiitaa mujhe rakkhaa hai
yaani main tiri surat jab yaad karun rouun