ham amn chaahte hain magar zulm ke khilaaf — Sahir Ludhianvi

le de ke apne paas faqat ik nazar to hai
kyuun dekhein zindagi ko kisi ki nazar se ham

ham jurm-e-mohabbat ki sazaa paaeinge tanhaa
jo tujh se hui ho vo khataa saath liye jaa

hazaar barq gire laakh aandhiyaan uTThein
vo phuul khil ke raheinge jo khilne vaale hain

kaun rotaa hai kisi aur ki khaatir ai dost
sab ko apni hi kisi baat pe ronaa aayaa

har-chand miri quvvat-e-guftaar hai mahbus
khaamosh magar tab-e-khud-aaraa nahin hoti

milti hai zindagi mein mohabbat kabhi kabhi
hoti hai dilbaron ki inaayat kabhi kabhi

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

milnaa na milnaa ye to muqaddar ki baat hai
tum khush raho raho mire pyaare jahaan kahin

main hi tum ko phuTi aankh nahin bhaati
tum ne sab se pyaar ke pech laDaae hain

raas aaegi mohabbat us ko
jis se hote nahin vaade puure

pyaar apne pe jo aataa hai to kyaa karte hain
aaina dekh ke munh chuum liyaa karte hain