zindagi khvaab dekhti hai magar — Shabnam Rumani

apni majburi ko ham divaar-o-dar kahne lage
qaid kaa saamaan kiyaa aur us ko ghar kahne lage

teri taabish se raushan hain gul bhi aur viraane bhi
kyaa tu bhi is hansti-gaati duniyaa kaa mazdur hai chaand?

mujhe ye zoam ki main husn kaa musavvir huun
unhein ye naaz ki tasvir to hamaari hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

tumhaari guftugu se aas ki khushbu chhalakti hai
jahaan tum ho vahaan pe zindagi maalum hoti hai

tumhaare hijr mein kyuun zindagi na mushkil ho
tumhin jigar ho tumhin jaan ho tumhin dil ho

kuchh aur tarah ki mushkil mein Daalne ke liye
main apni zindagi aasaan karne vaalaa huun