hai ayaan ru-e-yaar aankhon mein — Shah Aasim

kaafir-e-ishq huaa jab se main is dahr mein huun
hai mire kufr se ye diin aur imaan naazaan

aaina le ke dekh zaraa apne husn ko
aaegi ye bahaar-e-gulistaan khizaan mein yaad

laa-makaan hai vaaste un ki maqaam-e-bud-o-baash
go ba-zaahir kahne ko kalkatta aur lahore hai

islaam aur kufr hamaaraa hi naam hai
kaaba kunisht donon mein apnaa maqaam hai

dekh kar mujh ko tujhe kyuun hai tahayyur naaseh
mashrab-e-ishq hai ye mazhab-e-islaam nahin

uTThi hai jab se dil mein mire ishq ki tarang
shaadi o gham hain aage mire donon ek rang

jab ki pahlu se yaar uThtaa hai
dard be-ikhtiyaar uThtaa hai

dam-e-takfin bhi gar yaar aave
to niklein haath baahar ye kafan se

doston kaa kyaa hai vo to yuun bhi mil jaate hain muft
roz ik sach bol kar dushman kamaane chaahiyein

paa-bos-e-yaar ki hamein hasrat hai ai nasim
aahista aaiyo tu hamaare mazaar par

taa hashr rahe ye daagh dil kaa
yaa-rab na bujhe charaagh dil kaa

pyaar ki jot se ghar ghar hai charaaghaan varna
ek bhi shama na raushan ho havaa ke Dar se