aaina le ke dekh zaraa apne husn ko — Shah Aasim

hai ayaan ru-e-yaar aankhon mein
chhaai hai kyaa bahaar aankhon mein

kaafir-e-ishq huaa jab se main is dahr mein huun
hai mire kufr se ye diin aur imaan naazaan

laa-makaan hai vaaste un ki maqaam-e-bud-o-baash
go ba-zaahir kahne ko kalkatta aur lahore hai

islaam aur kufr hamaaraa hi naam hai
kaaba kunisht donon mein apnaa maqaam hai

dekh kar mujh ko tujhe kyuun hai tahayyur naaseh
mashrab-e-ishq hai ye mazhab-e-islaam nahin

uTThi hai jab se dil mein mire ishq ki tarang
shaadi o gham hain aage mire donon ek rang

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

aataa rahaa huun yaad main us ko tamaam umr
is zaaviye se ishq mein naakaam kab huaa

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

ham ko yaaron ne yaad bhi na rakhaa
'jaun' yaaron ke yaar the ham to

main agar TuuTaa to saaraa shahr bikhregaa 'nabil'
aisaa patthar huun fasil-e-shahr ki buniyaad kaa