uTThi hai jab se dil mein mire ishq ki tarang — Shah Aasim

hai ayaan ru-e-yaar aankhon mein
chhaai hai kyaa bahaar aankhon mein

kaafir-e-ishq huaa jab se main is dahr mein huun
hai mire kufr se ye diin aur imaan naazaan

aaina le ke dekh zaraa apne husn ko
aaegi ye bahaar-e-gulistaan khizaan mein yaad

laa-makaan hai vaaste un ki maqaam-e-bud-o-baash
go ba-zaahir kahne ko kalkatta aur lahore hai

islaam aur kufr hamaaraa hi naam hai
kaaba kunisht donon mein apnaa maqaam hai

dekh kar mujh ko tujhe kyuun hai tahayyur naaseh
mashrab-e-ishq hai ye mazhab-e-islaam nahin

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

is shor-e-talaatum mein koi kis ko pukaare
kaanon mein yahaan apni sadaa tak nahin aati

dard ke mausam kaa kyaa hogaa asar anjaan par
dosto paani kabhi ruktaa nahin Dhalvaan par

mujh se milne shab-e-gham aur to kaun aaegaa
meraa saaya hai jo divaar pe jam jaaegaa