dud-e-aah-e-jigari kaam na aayaa yaaro — Shah Naseer

tire hi naam ki simran hai mujh ko aur tasbih
tu hi hai vird har ik subh-o-shaam aashiq kaa

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

aataa hai to aa vaada-faraamosh vagarna
har roz kaa ye lait-o-laal jaae to achchhaa

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

mushkil hai rok aah-e-dil-e-daaghdaar ki
kahte hain sau sunaar ki aur ik luhaar ki

puchhne vaalon ko kyaa kahiye ki dhoke mein nahin
kufr o islaam haqiqat mein hain yaksaan ham ko

jab ki pahlu se yaar uThtaa hai
dard be-ikhtiyaar uThtaa hai

'mushafi' kyunke chhupe un se miraa dard-e-nihaan
yaar to baat ke andaaz se paa jaate hain

fan jo meaar tak nahin pahunchaa
apne shahkaar tak nahin pahunchaa

taraf-e-kaaba na jaa haj ke liye naadaan hai
ghaur kar dekh ki hai khaana-e-dil maskan-e-dost

ai ishq jahaan hai yaar meraa
mujh ko bhi usi jagah tu le chal

sach bataa ishq mujhe sakht pareshaan huun main
kyuun khafaa hotaa nahin dost khataa par meri