tire hi naam ki simran hai mujh ko aur tasbih — Shah Naseer

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

aataa hai to aa vaada-faraamosh vagarna
har roz kaa ye lait-o-laal jaae to achchhaa

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

mushkil hai rok aah-e-dil-e-daaghdaar ki
kahte hain sau sunaar ki aur ik luhaar ki

sar-bulandi ko yahaan dil ne na chaahaa munim
varna ye khema-e-aflaak puraanaa kyaa thaa

puchhne vaalon ko kyaa kahiye ki dhoke mein nahin
kufr o islaam haqiqat mein hain yaksaan ham ko

main kyaa jaanun qalaq kyaa chiiz hai par itnaa jaanun huun
mile hai dil ko pahlu mein mire shaam o sahar koi

ik ham ki ham ko subh se hai shaam ki khushi
ik tum ki tum ko shaam kaa dhaDkaa sahar se hai

niind aati nahin to subah talak
gard-e-mahtaab kaa safar dekho

subh savere ran paDnaa hai aur ghamsaan kaa ran
raaton raat chalaa jaae jis ko jaanaa hai

shab-e-daraaz kaa hai qissa mukhtasar 'kaifi'
hui sahar ke ujaalon mein gum charaagh ki lau

saugand hai hasrat mujhe ejaaz-e-sukhan ki
ye sehr hain jaadu hain na ashaar hain tere