mushkil hai rok aah-e-dil-e-daaghdaar ki — Shah Naseer

tire hi naam ki simran hai mujh ko aur tasbih
tu hi hai vird har ik subh-o-shaam aashiq kaa

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

aataa hai to aa vaada-faraamosh vagarna
har roz kaa ye lait-o-laal jaae to achchhaa

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

sar-bulandi ko yahaan dil ne na chaahaa munim
varna ye khema-e-aflaak puraanaa kyaa thaa

puchhne vaalon ko kyaa kahiye ki dhoke mein nahin
kufr o islaam haqiqat mein hain yaksaan ham ko

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

dard vahin zanjir vahin divaar vahin
'ishq se aakhir jhagDaa kyaa hai 'aali jaah

sazaa dete hain 'vaasif' sab ko vo jurm-e-mohabbat par
nahin mere liye koi sazaa ye hai sazaa meri

halki si khalish dil mein nigaahon mein udaasi
shaayad yunhi hoti hai mohabbat ki shuruaat

ye tufaan-e-havaadis aur talaatum baad o baaraan ke
mohabbat ke sahaare kashti-e-dil hai ravaan ab tak