rakh na aansu se vasl ki ummid — Shaikh Qudratullah Qudrat

chhalakne lage ashk-e-gulgun mizha se
phir aai hai fasl-e-bahaar garebaan

gae vo din ki bahte the paDe naale in aankhon se
sar-e-mizhgaan talak ik ashk ab aataa hai mushkil se

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

gham ki dahshat-gardi mein bhi dil ko khole rakkhaa ham ne
varna is maahaul mein shahron shahron taale paD jaate hain

gham-o-karb-o-alam se duur apni zindagi kyuun ho
yahi jiine kaa saamaan hain to phir in mein kami kyuun ho

fariyaad ki aati hai sadaa siine se har dam
meraa dil-e-naalaan hai ki angrezi ghaDi hai