chhalakne lage ashk-e-gulgun mizha se — Shaikh Qudratullah Qudrat

rakh na aansu se vasl ki ummid
khaare paani se daal galti nahin

gae vo din ki bahte the paDe naale in aankhon se
sar-e-mizhgaan talak ik ashk ab aataa hai mushkil se

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul kiyaa jis ne vo thaa aur magar
shama ne shikva havaaon se kiyaa

kis ki khaatir ujaaD raste par
phuul le kar shajar khaDaa huaa thaa

aaj tak us ki mohabbat kaa nasha taari hai
phuul baaqi nahin khushbu kaa safar jaari hai