mujh ko ataa huaa hai ye kaisaa libaas-e-zist — Shakeel Jazib

yahaan pe kuchh bhi nahin hai baaqi tu aks apnaa talaash mat kar
miri nigaahon ke aaine ab ghubaar-e-furqat se aT gae hain

us ki bhi miri tarah thi ik apni kahaani
us ko bhi nibhaanaa paDaa kirdaar mujhe bhi

kyaa karun ai tishnagi teraa mudaavaa bas vo lab
jin labon ko chhu ke paani aag bantaa jaae hai

yaaro duaa karo ye koi haadsa na ho
pahle yuun intizaar mein lazzat kabhi na thi

kyaa kisi ummid par phir se dar-e-dil vaa karun
tujh se baDh kar khud bataa meraa shanaasaa kaun thaa

taaza vaarid huun miyaan aur ye shahr-e-dil hai
kuchh kamaane ko yahaan kaar-e-ziyaan DhunDtaa huun

pyaaso raho na dasht mein baarish ke muntazir
maaro zamin pe paanv ki paani nikal paDe

badan par is-qadar baarish mire hoti hai boson ki
ki jab baanhein tiri mujh par khuli hon Daaliyaan ban kar

rahti hai shab-o-roz mein baarish si tiri yaad
khvaabon mein utar jaati hain ghanghor si aankhein

nahin kuchh abr hi shaagird meri ashk-baari kaa
sabaq leti hai mujh se barq bhi aa be-qaraari kaa

ghubaar-e-vaqt mein ab kis ko kho rahi huun main
ye baarishon kaa hai mausam ki ro rahi huun main

aaj kuchh aise shoale bhaDke baarish ke har qatre se
dhuup panaahein maang rahi hai bhige hue darakhton mein