ghuncha chaTkaa thaa kahin khaatir-e-bulbul ke liye — Shoaib Bin Aziz

ab udaas phirte ho sardiyon ki shaamon mein
is tarah to hotaa hai is tarah ke kaamon mein

dosti kaa daavaa kyaa aashiqi se kyaa matlab
main tire faqiron mein main tire ghulaamon mein

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo ek lamha jise tum ne mukhtasar jaanaa
ham aaise lamhe mein ik daastaan banaate hain

badan kaa bojh uThaanaa bhi ab muhaal huaa
jo khud se haar ke baiThe to phir ye haal huaa

'shaaz' khud mein hi ganvaae hue khud ko rakhnaa
haath jab tak na koi apni nishaani aae

umr bhar jis ne kisi kaa hukm maanaa hi nahin
nafs kaa apne magar vo shakhs kaarinda rahaa