ab udaas phirte ho sardiyon ki shaamon mein — Shoaib Bin Aziz

dosti kaa daavaa kyaa aashiqi se kyaa matlab
main tire faqiron mein main tire ghulaamon mein

ghuncha chaTkaa thaa kahin khaatir-e-bulbul ke liye
main ne ye jaanaa ki kuchh mujh se kahaa ho jaise

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

aisi taraqqi par to ronaa bantaa hai
jis mein dahshat-gard corona bantaa hai