eid ko bhi vo nahin milte hain mujh se na milein — Shola Aligarhi

buton mein koi bhalaai bhi hai sivaae sitam
buraa ho teraa dil-e-naa-sazaa kidhar aayaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

sau iid agar zamaane mein laae falak va-lek
ghar se hamaare maah-e-muharram na jaaegaa

khushk patton mein kisi yaad kaa shoala hai 'said'
main bujhaataa huun magar aag bhaDak jaati hai

mah-jabin iid mein angusht-numaa kyuun na rahein
iid kaa chaand hi angusht-numaa hotaa hai

pahle Daali tire chehre pe bahut der nazar
'iid kaa chaand to phir baa'd mein dekhaa main ne

mere surkh lahu se chamki kitne haathon mein mehndi
shahr mein jis din qatl huaa main iid manaai logon ne