pahle Daali tire chehre pe bahut der nazar — Vijendra Singh Parwaz

main khvaab mein bhi use khul ke pyaar kar na sakaa
ki shankh bajne lagaa aur azaan hone lagi

mujhe sharaab pilaai gai hai aankhon se
miraa nasha to hazaaron baras mein utregaa

vo chaand hai to aks bhi paani mein aaegaa
kirdaar khud ubhar ke kahaani mein aaegaa

iid ke baa'd vo milne ke liye aae hain
iid kaa chaand nazar aane lagaa iid ke baad

na to aaftaab ki hai gharaz na talab mujhe koi chaand ki
vo charaagh mujh ko 'aziz hai miri zulmaton ko jo nuur de

ye kahkashaan ye sitaare ye chaandni ye bahaar
nigaah main na uThaaun to sab ke sab be-kaar

iid mein iid hui aish kaa saamaan dekhaa
dekh kar chaand jo munh aap kaa ai jaan dekhaa

chaandni surkh si dikhaai de
ye moharram kaa chaand hai 'asraar'