vahi ab jaan ke dushman bane hain — Siddiq Ahmad Benazeer

kahe koi kis se sataanaa tumhaaraa
khudaai tumhaari zamaana tumhaaraa

jis ne ik baar bhi surat na tumhaari dekhi
koi is aankh kaa hotaa hai shumaar aankhon mein

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jo ghair the vo isi baat par hamaare hue
ki ham se dost bahut be-khabar hamaare hue

dosti bad balaa hai is mein khudaa
kisi dushman ko mubtalaa na kare