junun ke shahr mein niin kam-ayaar kuun hurmat — Siraj Aurangabadi

dekhaa hai jis ne yaar ke rukhsaar ki taraf
hargiz na jaave sair kuun gulzaar ki taraf

boltaa huun jo vo bulaataa hai
tan ke pinjre mein us kaa totaa huun

vaqt hai ab namaaz-e-maghrib kaa
chaand rukh lab shafaq hai gesu shaam

tahqiq ki nazar siin aakhir kuun ham ne dekhaa
akasr hain maal vaale kam hain kamaal vaale

masjid vahshat mein paDhtaa hai taraavih-e-junun
mushaf husn-e-pari-rukhsaar jis kuun yaad hai

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

jab ki pahlu se yaar uThtaa hai
dard be-ikhtiyaar uThtaa hai

itnaa hairaan na ho meri anaa par pyaare
ishq mein bhi kai khuddaar nikal aate hain

hamin se ajnabi lahje mein baat karti hai
hamaare ghar ki hamaare dayaar ki miTTi

ham ajnabi hain aaj bhi apne dayaar mein
har shakhs puchhtaa hai yahi tum yahaan kahaan

pahunch gae hain ham aise dayaar mein ki 'vahid'
jahaan gunaah to laazim hai nekiyaan barbaad

hai shaam-e-avadh gesu-e-dildaar kaa partav
aur subh-e-banaras hai rukh-e-yaar kaa partav