vo ajab ghaDi thi main jis ghaDi liyaa dars nuskha-e-ishq kaa — Siraj Aurangabadi

boltaa huun jo vo bulaataa hai
tan ke pinjre mein us kaa totaa huun

vaqt hai ab namaaz-e-maghrib kaa
chaand rukh lab shafaq hai gesu shaam

tahqiq ki nazar siin aakhir kuun ham ne dekhaa
akasr hain maal vaale kam hain kamaal vaale

masjid vahshat mein paDhtaa hai taraavih-e-junun
mushaf husn-e-pari-rukhsaar jis kuun yaad hai

nahin bujhti hai pyaas aansu siin lekin
karein kyaa ab to yaan paani yahi hai

dekhaa hai jis ne yaar ke rukhsaar ki taraf
hargiz na jaave sair kuun gulzaar ki taraf

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

be-ishq umr kaT nahin sakti hai aur yaan
taaqat ba-qadr-e-lazzat-e-aazaar bhi nahin

tu khudaa hai na miraa ishq farishton jaisaa
donon insaan hain to kyuun itne hijaabon mein milein

ye to mumkin nahin mohabbat mein
aap jo kuchh kahein vo ham na karein

raasta de ki mohabbat mein badan shaamil hai
main faqat ruuh nahin huun mujhe halkaa na samajh