hai shaam-e-avadh gesu-e-dildaar kaa partav — Wahid Premi

uf gardish-e-hayaat tiri fitna-saaziyaan
apne vatan mein duur hain ahl-e-vatan se ham

baad taklif ke raahat hai yaqini 'vaahid'
raat kaa aanaa hi paighaam-e-sahar hotaa hai

gul ghunche aaftaab shafaq chaand kahkashaan
aisi koi bhi chiiz nahin jis mein tu na ho

kisi ko be-sabab shohrat nahin milti hai ai 'vaahid'
unhin ke naam hain duniyaa mein jin ke kaam achchhe hain

aazaad to barson se hain arbaab-e-gulistaan
aai na magar taaqat-e-parvaaz abhi tak

shakhsiyyat-e-fankaar muamma nahin 'vaahid'
fan hi mein huaa kartaa hai fankaar kaa partav

jab ki pahlu se yaar uThtaa hai
dard be-ikhtiyaar uThtaa hai

har manzar ke andar bhi ik manzar hai
dekhne vaalaa bhi to ho tayyaar mujhe

bahut chhoTe hain mujh se mere dushman
jo meraa dost hai mujh se baDaa hai

mukhaalifon ne khabar jab koi uDaa di hai
to doston ne use aur bhi havaa di hai

ai shaam-e-hijr-e-yaar miri tu gavaahi de
main tere saath saath rahaa ghar nahin gayaa

logo ham to ek hi surat mein hathiyaar uThaate hain
jab dushman ho apne jaisaa khud-sar bhi aur ham-sar bhi