bevafaa kuchh nahin teri taqsir — Syed Mohammad Meer Asar

kin ne kahaa aur se na mil tu
par ham se bhi kabhu milaa kar

kyaa kahun kis tarah se jiitaa huun
gham ko khaataa huun aansu piitaa huun

apne nazdik dard-e-dil main kahaa
tere nazdik qissa-khvaani ki

tu hi behtar hai aaina ham se
ham to itne bhi ru-shanaas nahin

kaam tujh se abhi to saaqi hai
ki zaraa ham ko hosh baaqi hai

jis ghaDi ghurte ho ghussa se
nikle paDtaa hai pyaar aankhon mein

umr bhar us ne bevafaai ki
umr se bhi vo baa-vafaa na rahaa

bevafaai pe teri ji hai fidaa
qahr hotaa jo baa-vafaa hotaa

muddat se main safar mein huun vahm-o-gumaan ke saath
ye raasta tamaam fareb-e-nazar na ho

jo milaa us ne bevafaai ki
kuchh ajab rang hai zamaane kaa

kisi tarah din to kaT rahe hain fareb-e-ummid khaa rahaa huun
hazaar-haa naqsh aarzu ke banaa rahaa huun miTaa rahaa huun

fareb-e-maah-o-anjum se nikal jaaein to achchhaa hai
zaraa suraj ne karvaT li ye taare Duub jaaeinge