tire bhuul jaane ki aadat ke sadqe — Syeda Farhat

baat kyuun khoein iltijaa kar ke
tum se ummid-e-iltifaat nahin

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

bahut se gham chhupe honge hansi mein
zaraa in hansne vaalon ko TaTolo