ishq imaan donon mein tafriq hai — Tabish Kanpuri

husn aur ishq donon mein tafriq hai par inhin donon pe meraa imaan hai
gar khudaa ruuTh jaae to sajde karun aur sanam ruuTh jaae to main kyaa karun

teri surat nigaahon mein phirti rahe ishq teraa sataae to main kyaa karun
koi itnaa to aa kar bataa de mujhe jab tiri yaad aae to main kyaa karun

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

'aalam' dil-e-asir ko samjhaaun kis tarah
kam-bakht e'tibaar ke qaabil nahin hai vo