'aalam' dil-e-asir ko samjhaaun kis tarah — Alam Khursheed

kabhi kabhi kitnaa nuqsaan uThaanaa paDtaa hai
airon ghairon kaa ehsaan uThaanaa paDtaa hai

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

tamaam rang adhure lage tire aage
so tujh ko lafz mein tasvir kartaa rahtaa huun

tahzib ki zanjir se uljhaa rahaa main bhi
tu bhi na baDhaa jism ke aadaab se aage

kisi ko DhunDte hain ham kisi ke paikar mein
kisi kaa chehra kisi se milaate rahte hain

ishq mein tahzib ke hain aur hi kuchh falsafe
tujh se ho kar ham khafaa khud se khafaa rahne lage

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

rahte the kabhi jin ke dil mein ham jaan se bhi pyaaron ki tarah
baiThe hain unhin ke kuche mein ham aaj gunahgaaron ki tarah

baDhaai mai jo mohabbat se aaj saaqi ne
ye kaanpe haath ki saaghar bhi ham uThaa na sake

ishq bin jiine ke aadaab nahin aate hain
'mir' saahab ne kahaa hai ki miyaan ishq karo

hai shaadaab nafrat kaa jangal bahut hi
mohabbat kaa har peD sukhaa paDaa hai