mayassar se ziyaada chaahtaa hai — Akram Naqqash

jaise paani pe naqsh ho koi
raunaqein sab adam-sabaat rahin

ye kaun si jagah hai ye basti hai kaun si
koi bhi is jahaan mein tere sivaa nahin

jiyungaa main tiri saanson mein jab tak
khud apni saans mein zinda rahungaa

kuchh to inaayatein hain mire kaarsaaz ki
aur kuchh mire mizaaj ne tanhaa kiyaa mujhe

ishq ik aisi haveli hai ki jis se baahar
koi darvaaza khule aur na daricha nikle

hazaar kaarvaan yuun to hain mere saath magar
jo mere naam hai vo qaafila kab aaegaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

koi puraanaa khat kuchh bhuli-bisri yaad
zakhmon par vo lamhe marham hote hain

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

main agar TuuTaa to saaraa shahr bikhregaa 'nabil'
aisaa patthar huun fasil-e-shahr ki buniyaad kaa

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai