uThaa uThaa ke tire naaz ai gham-e-duniyaa — Tariq Naeem

vo aaina hai to hairat kisi jamaal ki ho
jo sang hai to kahin rahguzar mein rakkhaa jaae

ye viraani si yunhi to nahin rahti hai aankhon mein
mire dil hi se koi jaada-e-vahshat nikaltaa hai

tire khayaal ki lau hi safar mein kaam aai
mire charaag to lagtaa thaa roe ab roe

raat ro ro ke guzaari hai charaaghon ki tarah
tab kahin harf mein taasir nazar aai hai

khush-arzaani hui hai is qadar baazaar-e-hasti mein
giraan jis ko samajhtaa huun vo kam-qimat nikaltaa hai

abhi to mansab-e-hasti se main haTaa hi nahin
badal gae hain mire doston ke lahje bhi

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main ne junun se ki jo 'asad' iltimaas-e-rang
khun-e-jigar mein ek hi ghota diyaa mujhe

ye dard jo tum ko hai diyaa tum se milaa thaa
ham ne koi saamaan tumhaaraa nahin rakkhaa

vo bhalaa kaise bataae ki gham-e-hijr hai kyaa
jis ko aaghosh-e-mohabbat kabhi haasil na huaa