ab to main aur bhi buraa huun ki — Tarkash Pradeep

yuun apne aap ko barbaad kartaa hai koi
ai mere dil tu samajhdaar hai nahin hai kyaa

husn hotaa hai kisi shai kaa koi apnaa hi
aur phir dekhne vaale ki nazar hoti hai

banaataa huun main tasavvur mein us kaa chehra magar
har ek baar nai kaaenaat banti hai

aur bhaTkeinge to kuchh aur nayaa dekheinge
ham to aavaara parinde hain hamaaraa kyaa hai

ham to kahte hain mohabbat mein mazaa hai hi nahin
aap kahte hain to phir maan liyaa jaataa hai

tujhe gale se lagaa ke bhi dekhaa jaaegaa
abhi to mujh ko tiraa intizaar karnaa hai

mere khvaabon ke jharokon ko sajaate rahiye
na sahi vasl magar yaad to aate rahiye

faraaghat se duniyaa mein har dam na baiTho
agar chaahte ho faraaghat ziyaada

mujhe pata hai usi ne chalaai hai goli
nahin hai dasht mein sayyaad dusraa koi

ji chaahtaa hai saane-e-qudrat pe huun nisaar
but ko biThaa ke saamne yaad-e-khudaa karun

vahm hi vahm mein apni hui auqaat basar
kamar-e-yaar ko bhule to dahan yaad aayaa

dhuup mein kaun kise yaad kiyaa kartaa hai
par tire shahr mein barsaat to hoti hogi