chhoD aayaa thaa mez par chaae — Tauqeer Abbas

bahaar dard bharaa iqtibaas chhoD gai
har ik shajar kaa badan be-libaas chhoD gai

meri aankhon mein aa ke raakh huaa
jaane kis des kaa sitaaraa thaa

phir yahi baat na main bhuul sakaa
main use bhuul gayaa thaa ik din

vaqt kar degaa faisla is kaa
kaun sachchaa hai kaun jhuTaa hai

lahu meri nason mein bhi kabhi kaa jam chukaa thaa
badan par barf ko oDhe nadi bhi so rahi thi

un ki hazaar koshishein aur zid alag rahi
apni to DeDh iinT ki masjid alag rahi

aa ke bazm-e-sher mein shart-e-vafaa puuri to kar
jitnaa khaanaa khaa gayaa hai utni mazduri to kar

tamannaa ik tarah ki jaan hai jo marte dam nikle
judaai ik tarah ki maut hai jo jite-ji aae

ham aaj hanste hue kuchh alag dikhaai diye
ba-vaqt-e-girya ham aise the, saare jaise hain

milnaa thaa ittifaaq bichhaDnaa nasib thaa
vo utni duur ho gayaa jitnaa qarib thaa

saalgirah par kitni nek tamannaaein mausul huiin
lekin in mein ek mubaarakbaad abhi tak baaqi hai