saalgirah par kitni nek tamannaaein mausul huiin — Ahmad Shahryar

tujh se bhi kab hui tadbir miri vahshat ki
tu bhi muTThi mein kahaan bheinch sakaa paani ko

khvaab-e-ziyaan hain umr kaa khvaab hain haasil-e-hayaat
is kaa bhi thaa yaqin mujhe vo bhi mire gumaan mein thaa

samaai kis tarah meri aankhon ki putliyon mein
vo ek hairat jo aaine se bahut baDi thi

na dastakein na sadaa kaun dar pe aayaa hai
faqir-e-shahr hai yaa shahryaar dekhiyegaa

raaton ko jaagte hain isi vaaste ki khvaab
dekhegaa band aankhein to phir lauT jaaegaa

qatra Thiik hai dariyaa hone mein nuqsaan bahut hai
dekh to kaise Duub rahaa hai meraa lashkar mujh mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

marte hain aarzu mein marne ki
maut aati hai par nahin aati

kyaa vo khvaahish ki jise dil bhi samajhtaa ho haqir
aarzu vo hai jo siine mein rahe naaz ke saath

ye aarzu thi tujhe gul ke ru-ba-ru karte
ham aur bulbul-e-betaab guftugu karte

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

kitni naadida bahaaron ki tamannaa-e-javaan
daaman-e-jaan mein mire aag lagaa deti hai