kisi surat koi surat nikaalo — Wakil Akhtar

us shakhs ke gham kaa koi andaaza lagaae
jis ko kabhi rote hue dekhaa na kisi ne

jhuk ke jo aap se miltaa hogaa
us kaa qad aap se unchaa hogaa

kisi ke ek ishaare mein kis ko kyaa na milaa
bashar ko ziist mili maut ko bahaana milaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

ajal bhi Tal gai dekhi gai haalat na aankhon se
shab-e-gham mein musibat si musibat ham ne jheli hai

maut ke khunkhaar panjon mein sisakti hai hayaat
aaj hai insaaniyat ki har adaa sahmi hui

mehr-o-vafaa khulus-e-tamannaa milan ki aas
kuchh kam nahin ki ham ne ye moti bachaa liye

maut bar-haq hai to phir maut se Darnaa kaisaa
ek hijrat hi to hai naql-e-makaani hi to hai